“Prosperar sen crecemento: ciencia, tecnoloxía e innovación na etapa post-crecentista” con Mario Pansera – Ciclo de conferencias con GCiencia

A sacudida global da pandemia da Covid-19 afectou notablemente ao mercado laboral en boa parte do planeta. A dixitalización, a automatización do traballo e a precariedade de moitos empregos obriga a buscar novas fórmulas e propostas que contribúan a un crecemento económico inclusivo, sostido e sostible. Unha maior equidade salarial, a redución dos niveis de desemprego e unha mellora nas condicións nas que as persoas traballan hoxe son retos aos que hai que dar resposta.