Ciclo Educación Século XXI – “A educación cambia a historia. De emigrante a emprendedor social” con Ousman Umar

Ousman Umar ten un proxecto vital que é froito da viaxe infernal que fixo para chegar ao noso país. Agora loita para que ningún outro mozo ou moza pase polo mesmo que el pasou.
Ten claro que a educación e a información pode evitar moitas mortes de mozos africanos que queren vir a un falso paraíso, o que el chama o País dos Brancos.
Ter un propósito para levantarse cada día é o que fixo crecer NASCO Feeding Minds, a ONG que fundou para crear oportunidades para as xeracións máis novas de Ghana proporcionándolles educación dixital. O día que o ministro de educación de Ghana lle dixo que non podían facilitarlle diñeiro para o seu proxecto, comprendeu que el debía ser o ministro de educación do seu propio país.
E é que se o pensamos, todos podemos ser os ministros daquilo que nos propoñamos.