Benestar e ioga na casa con Sandra Roco - Sesión 13

O programa "Benestar e ioga na casa" componse de 2 sesións semanais de entrenamento en directo (luns e xoves ás 11.00 h) nas que traballaremos co noso corpo a través das posturas físicas de ioga, asanas e a respiración. Coa práctica poderemos chegar a acadar un estado de benestar e satisfacción. Todos os luns se presentará un modelo de clase, cun plan de entrenamento para repetir na casa ata a seguinte cita. As semanas están deseñadas para que podas ir avanzando na túa práctica, con contidos distintos e complementarios. Este programa xorde para manter viva a idea de vida activa e saudable que Afundación, a través dos seus Espazos +60, promove durante todo o ano, e así seguir acompañando no día a día a todas as persoas que queiran sumarse ao programa, en especial á comunidade creada nos Espazos +60.