“A evolución da desigualdade da renda en e entre os países” con Carlos Gradín – Ciclo de conferencias con GCiencia

Os avances nada desdeñables acadados en materia de igualdade nos últimos anos nalgunhas partes do mundo non poden ser motivo de conformismo. A nova emerxencia de discursos de odio contra colectivos vulnerables (migrantes, refuxiados, LGTBI, etc.) e os problemas sen solventar mesmo en sociedades avanzadas (aporofobia, limitacións de dereitos das persoas con discapacidade, fenda de xénero) obrigan a traballar activamente na procura de solucións. Convivir en igualdade, independentemente da idade, sexo, discapacidade, orixe, relixión e outros factores socioeconómicos é unha meta indispensable para un futuro mellor.