O Campus ABANCA, que forma parte do programa de Educación Financeira de Afundación, Obra Social ABANCA, está encamiñado a fomentar o espírito emprendedor entre os estudantes universitarios de Galicia e do norte de Portugal. A través dunha visión práctica e didáctica, o foro busca reflexionar sobre os retos da innovación, así como as oportunidades profesionais que se abren para os universitarios ou os recentemente graduados nos novos sectores.