Microanálise: Daniel Canogar, o autor da fotografía comprometida<\/p>\n
Obra: Otras geologías 17 <\/em><\/p>\n Ano: 2007<\/p>\n Técnica: Fotografía dixital sobre aluminio 3\/3<\/p>\n Medidas: 147,5 x 223<\/p>\n Obra presente na mostra «Fóra de foco. Artistas foráneos na Colección de Arte Afundación»<\/p>\n Partidario dunha arte comprometida, Daniel Canogar traballa, tanto nas súas fotografías coma nos vídeos e instalacións, con temas actuais, utilizando a dialéctica para implicar o espectador. A través dunha coidada escenografía, fusiona a contundencia do argumento coa beleza da composición.<\/p>\n Na súa obra hai sempre unha mensaxe que se potencia a través de imaxes visuais impactantes. A fotografía de Afundación, pertencente á serie «Otras geologías», móstrase coma un inventario da sobreexplotación; é unha paisaxe de residuos, neste caso bicicletas, que o artista localizou nunha zona industrial de Madrid. Nos chamados «puntos limpos», comprendeu Daniel Canogar a obsolescencia dos obxectos, e deles obtivo o material de refugallo que necesitaba para chamar á reflexión. Non só bicicletas, senón tamén todo tipo de restos informáticos, electrodomésticos, plásticos… que nun momento dado foron parte dunha memoria individual, e agora, amoreados en montañas de lixo, son o testemuño máis claro da memoria colectiva do exceso consumista.<\/p>\n Texto de Mercedes Rozas, comisaria da mostra «Fóra de foco»<\/p>\n","protected":false},"featured_media":0,"parent":3916,"menu_order":0,"template":"","categorias":[87],"etiqueta":[166,167,171,174,188],"class_list":["post-3808","contenido","type-contenido","status-publish","hentry","categorias-arte-e-exposicions","etiqueta-actividades-en-familia-gl","etiqueta-actividades-escolares-gl","etiqueta-coleccion-afundacion-gl","etiqueta-cultura-gl","etiqueta-recursos-para-educadores-gl","entry","no-media"],"acf":[],"yoast_head":"\n